ருசக் யோகம்
லக்னம் அல்லது ராசி இருக்கும் இடத்திலிருந்து வீரத்திற்கும் ஆற்றலுக்கும் அதிபதியான செவ்வாய் ஆட்சி அல்லது உச்சம் பெற்று கேந்திரத்தில் இருந்து சுபர் பார்வை பெற்றால் அது ருசக் யோகம் ஆகும்
ருசக் யோகம் தரும் பலன் :
நீண்ட முகமுடையவன், திடீரென ஒரு காரியத்தை ஆரம்பித்து நடத்துவதால் கிடைக்க கூடும் தனலாபத்தை பெறுபவன். சூரத்துவம் மிகுந்தவன். எதிரிகளை வெல்லும் ஆற்றல் உடையவன். பலத்தினால் உண்டாகும் கர்வம், பிரசித்தமான நற்குணம், சேனைகளுக்கு தலைவனாய் இருத்தல், ஜயசீலம், ஆயுள் விருத்தி, கூர்மையான புத்தி, இவைகளை உடையோனாவான்.
யோக பங்கம் :
செவ்வாய் லக்னத்திற்கு சுபராக இருந்து சனியால் பார்க்கப்பட்டால், மேற்படி யோகம் இல்லை. செவ்வாய் யோகம் தாரான். ஆனால் சனியை செவ்வாய் பார்த்தால் செவ்வாய் தரும் யோகத்தை சனி தருவான்.
ருசக் யோகம் உதாரணம்:
லக்ன மற்றும் சந்திர கேந்திரத்தில் செவ்வாய் இருப்பதால் செவ்வாய் யோகம் தருவான். இது ருசக் யோகம் எனப்படும்.
ருசக் யோக பங்கம்:
லக்ன மற்றும் சந்திர கேந்திரத்தில் செவ்வாய் இருந்தாலும், சனி பார்வை பெறுவதால் ருசக் யோக பங்கம். செவ்வாய் யோகம் தரான் ஆனால் செவ்வாய் தரும் யோகத்தை சனி தருவான்.
முன் ஜென்ம பலன்:
முன் ஜென்மத்தில் சகோதரனை நன்கு கவனித்து,நட்பு பாராட்டியதால் ருசக் யோகம் ஏற்பட்டது. பலமுறை நட்பு பாராட்டினாலும் சரியான சமயத்தில் சகோதரனை கைவிடுவதால் ருசக் யோக பங்கம் ஏற்படும். சகோதரனை நேரில் உதவாமல் ஏவலர் மூலம் உதவினால் ருசக் யோக பங்கம் ஏற்படினும் செவ்வாய் தரும் யோகத்தை சனி தருவான்.
Leave a reply